LMC Chhiarpui nei dawn

Lunglei Municipal Council (LMC) leh Mizo-ram sawrkara Directorate of Economics & Statistics tangkawpin LMC huamchhunga chhiarpui (Demographic Census) buatsaih tura a chhiartu (enumerator) turte tan nimin khan Lunglei-ah hriat tur pawimawh inzirtirna neih a ni a. LMC Chhiarpui atan hian Lunglei Govt. College zirlai atangin enumerator tur mi 24, Local Council tin tan pakhat theuh ruat an ni a. Ruahman lawk dan chuan, August ni 18 leh September ni 15, 2025 inkar chhungin inchhiarna kalpuiin, September ni 1 - 20, 2025 chhungin data pawimawh chhutluh fel hman tum a ni a. Inchhiarna hi thuang hrang hranga endik dan tur ruahman niin, peihfel a nih hnuah Local Council-te nen inrawn tlanga thlirho leh a ni anga. Tih tur tul leh siam rem ngaite tih fel a nih hnuah October ni 27, 2025-ah tlangzarh beisei a ni.