Hulhliap-Short Stay Centre chhawng hnihna zofel

Ruihhlo ngai te chhanchhuahna tura beihpui thlakna, Hulhliap-Short Stay Centre thawh hnihna chu Inrinni khan zawhfel a ni.

Hulhliap-Short Stay Centre 2nd Batch hi July 21, 2025 khan Synod Revival Camping Centre, Neihbawih-ah tan niin a tirah mi 548 lutin a tawp thlenga awm chu mi 248 an ni a, Hulhliap-Short Stay Centre-a lut te hi a tirah damdawi hmanga enkawl hmasak niin Counseling nen uluk taka kalpui anih hnuah Synod Revival Speaker ten Pathian thu an hrilh leh bawk a ni. Camp an chhuahsan hnuah pawh Centre a lut te hi Volunteers/Counselor ten an vil zui anga, thiamthil zir duh an awm chuan hmalakpui tum an nih bakah Centre a awm zui duhte chu dahluh an ni bawk ang.

Hulhliap-Short Stay Centre hi Sawrkar Department hrang hrang, Synod leh Tlawmngai pawl te hmalakna niin a chhawng thumna chu August 25, 2025-ah tan leh tum a ni.