Exam Centre siam turin ngen

Mizo Students' Union (MSU) General Hqrs. hruaitute chuan nimin khan Mizoram Public Service Commission (MPSC) Chairman R. Lalram-nghaka IAS chu a Pisa-ah hmuin thalai hna zawng mek, Aizawl pawnlam a chengten an hna zawnna kawnga sum leh pai an senso te a tlem theih nan Mizoram District hrang hrangah Exam Center changtlung tak din turin an ngen a. MPSC Chairman chuan MSU ngenna chu tha a tih thu lo sawiin, theihtawpa a lo bawhzui tur thu a sawi a, MPSC Combined Exam thenkhat chu District dangah School leh Hall remchang hawha an kalpui mek thu a sawi bawk. MSU hruaitute chuan MPSC hmalakna avanga Mizoram-ah ngei UPSC Civil Services Examination (CSE)-a Mains Exam a theih tawh dawn avangin thawktu zawng zawngte hmalaknaah lawmthu an sawi a. An hmalakna hian Central Service a Mizo thalaite an luhna kawngah awlsamna a thlen ngei an beisei thu an sawi bawk.