END te pawisa chawitir tam

Mizoram Excise & Narcotics Department (END) chuan kumin kumtir atanga July thla thleng khan Zu leh a kaihhnawih an man te pawisa chawitir atangin Rs. 133,66,663 an lalut tawh. END te hian kumin a thla sarih chhung hian zu leh ruihhlo kaihhnawih ah lirthei 105 manin heng zinga 43 hi lirthei ke hnih nei a ni a, LMV 59 leh HMV 3 a tel bawk a. Hemi chhung vêk hian Narcotics Drugs & Psychotropics Substances Act, 1985 hnuaiah mi 526 manin he Dan hmanga thubuai siamsak mi 282 an awm a. Mizoram Liqour Prohibition Act, 2019 hnuaiah mi 2833 man tawh niin thubuai siamsak 3169 an awm thung a. Mizo-ram Excise Act, 1973 hnuaiah mi 174 man ni bawkin, thubuai siamsak 187 an awm a, ramdang mi thubuai siamsak 37 an awm bawk a ni.