Chhiahtlang dai-ah Heroin man

Serchhip-a Excise & Narcotics Department a thawktute chuan nimin khan Chhiahtlang dai-a Darzika Road peng-ah Heroin tum hnih an man a, a neitu nia hriat mi pahnih an man bawk.
    Thudawn danin Excise & Narcotics Department te hian nimin chawhnu dar 2:30 vel khan Darzika Road peng-ah hian Heroin hawng hnih (gram 25.23) manin a neitu nia hriat Jenevi Lalbiakmawii (29), Champhai Kanan Veng nia insawi chu an man a, hemi rual hian Heroin hawng thum (gram 35.04) leh a neitu nia hriat Biaklianpari (48), Vaphai nia insawi pawh an man bawk. Heng damdawi neitu nia hriat te hi manin ND&PS Act hnuaiah thubuai siam sak nghal an ni a, Vawiin hian Serchhip District Court-ah hruai an ni ang. Serchhip-a END te chuan Heroin an manna tura Chhiahtlang Hmar Veng Branch te inpekna ah lawmthu an sawi tih an sawi bawk.