CEIR kaltlangin Mobile Phone bo hmuhlet tam

Bawngkawn Police Station chuan Central Equipment Identity Register kaltlanga mobile phone bo an chhui hnua an hmuhlet 31 chu nimin khan a neitute hnenah an hlan. Bawngkawn OC Room-a Mobile Phone a neitute hnena an pek let hi a vaiin 31 a ni a, thla liam ta July ni 28 leh tun thla ni 17 inkara Mobile Phone bo an hmuhlet te an ni a. Bawngkawn Police Station Officer Incharge Vanlalpeka DSP (Probation) chuan phone bo awm chu CEIR kaltlangin an chhui thin tih sawiin, Application-ah phone number an chhut luh chuan phone bo-ah Sim Card vuahtu zawng zawng leh vuah thin te a lang thei tih a sawi a, CEIR kaltlangin Phone-ah chuan tu Sim Card nge an hman mek tih thlengin a lang thei tih sawiin, hnuchhui kawngah an awlsam phah tih a sawi a, kuminah Mobile phone bo 200 chuang CEIR kaltlangin hmuh let a ni tawh tih a sawi bawk.