Aizawl Thakthing Veng-ah RRR Centre hawn a ni

Urban Development & Poverty Alleviation (UD&PA) Department hnuaia Swachh Bharat Mission (Urban) 2.0 hmalaknain, Permanent Reduce, Reuse and Recycle (RRR) Centre chu nimin khan UD&PA Deparrment Secretary Lalmalsawma Pchuau chuan Govt. Multi-Utility Centre, Thakthing-ah a hawng.

RRR Centre hi bawlhhlawh paih tih tlem, hman nawn theih hman nawn leh hman tangkai dan kawng zawn nana hmalakna niin, mipuite tlawhpawh theih reng tura hawn a ni a. A phal apiang ten an bungraw hrang hrang - thuamhnaw, pheikhawk, lehkhabu leh zirlaibu hlui, choka bungrua, toys leh thildangte an hman tangkai tawh loh, la hman tlak si te, a mamawh zawkte tana an thehkhawmna hmun tura duan niin, a duh leh mamawh apiangin an duh ang ang a thlawnin an la ve thei dawn a; he hmalakna hian nasa takin bawlhhlawh paih mai tur a tih tlem dawn bakah mamawhtute tan hnemhnanawm tak a ni thei dawn a ni. UD&PA Department chuan mitinte he hmalakna hi thlawpa, mahni theihna zawn theuha tan lo la ve tur leh RRR Centre pawh lo tlawh ve ngei turin a sawm a ni.

Reduce, Reuse, Recycle Campaign hnuaiah hian March, 2025 khan Swap & Save - Sikul Bungraw Inthleng Runpui chu Mizoram District khawpui zawng zawngah neih a lo ni tawh bawk a, zirlaite leh zirlai nu leh pa ten an hlut hle a ni.