YMA in tanpuina sem mek

Kumin June thla tir lama ruahsur nasa avanga Serchhip District chhunga vanduaina tawk te tanpuina tura Central YMA in Serchhip Sub-Hqrs. YMA hnena Rs. 5,75,000/- a rawn pek chu an ruahman angin semchhuah mek a ni.
Central YMA hian tun tuma vanduainaa thlenga nunna chang mi pakhat tan Rs. 35,000/- zel ruahmanin Serchhip Sub-Hqrs. YMA-ah mi pakhat pek a ni a. Leimin in chenna In a hnawl leh In leh Lo chan te hnenah Rs. 20,000/- zel pek tura ruahman niin mi 19 te hnenah semchhuah a ni a, In thiah leh luah ngam loh te hnenah Rs. 10,000/- theuh pek tura ruahman chu mi 16 te hnenah hlan an ni bawk. Tun tuma tanpuina dawngtu hi an vaiin mi 36 niin an zinga 25 te chu Serchhip khawpui chhunga mi te an ni a, Zote South khua ah chhungkaw panga, Bungtlang leh Leng khua a chhungkaw pahnih ve ve bakah Lungpho leh Thinglian khuaa chhungkaw pakhat ve ve te hnenah tanpuina hi pek an ni.

Central YMA hian tun \umah hian Mizoram hmun hrang hranga leimin tuar mi 86 te hnenah \anpuina hi semchhuakin heng te hi Aizawl City Branch leh mi tlawmngai ten an thawhkhawm a\anga semchhuah a ni.