World Population Day pualin Serchhip-ah hun hman a ni

Kumtin July 11-a hman thin ‘World Population Day’ pualin nimin khan Govt. Serchhip College-ah hun hman a ni.
Serchhip CMO Office bultuma Govt. Serchhip College-a ‘World Population Day’ puala hun hman ah hian ‘Empowering young people to create the families they want in a fair and hopeful world tih chu thupui-ah hman niin Resource Person atan RBSK-a Medical Officer Dr. Lalhruakima chu hman a ni a, Resource Person chuan he ni thupui hian ‘Fa enkawlnaa mawhphurhna tha taka hlenchhuak tur chuan naupang lutuk emaw, zing lutuk emaw a fa neih hi tih loh tur a ni’ tih chu a tum lian ber a nih thu sawiin, kum naupang zawk ten inthlah-chhawna (reproductive live) ah duhthlanna tha leh dik an neih theih nana puih leh zirtir chu a tum a nih thu a sawi a ni.

Dr. Lalhruaikima chuan kum naupang lutuk a fa pai/neih hian nu leh naute hriselna ah nghawng tha lo tak tak a neih theih thu leh rilru lam thlengin harsatna leh nghawng tha lo a nei thei tih sawiin, Naute a hun hma a piang te, naupiang zang lutuk leh nausen thihna a thleng tam zual bik tih zirchianna ah a lan thu a sawi a. Tleirawl kan nih lai atangin a bikin hmeichhia ten an taksa dinhmun an hriatchian a pawimawh thu leh harsatna an neih chuan mithiamte rawn hreh loh tur a nih thu te a sawi a. Inthlahchhawnna hrisel leh tha zawk kan neih theih nan ei leh in kan uluk leh taksa insawizawi that a pawimawh thu te a sawi bawk a ni.

Nimin-a he hun hman hi Serchhip CMO Office atangin Lalramnghaka Kawlni chuan a kaihruai a, Govt. Serchhip College-a Red Ribbon Club-a Teacher Incharge, Dr. Laldingluaia Khiangte pawhin thu a sawi bawk a ni.