Mizoram-ah COVID-19 kai enkawllai awm lo

Mizoram-ah Covid hri kai enkawllai an awm tawh rih lo a, kumin chhungin Covid hri kai mi 12 hmuhchhuah ni tawhin an vai hian enkawl dam vek an ni tawh a ni.

Health & Family Welfare Department hnuaia Integrated Disease Surveillance Programme (IDSP) thuneitute sawi danin kar kalta Ningani khan Mizoram-ah Covid hri kai nia rinhlelh mi 8 an endik zinga pakhat chuan hri a kai tih hmuh-chhuah a ni a, hemi hnu hian mi 10 endik leh an ni chungin hri kai hmuhchhuah an awm belh tawh rih lo a. Mizoram-a kumin-a hri kai hmuhchhuah tawhte hi hri kai tih langchhuak nasa an awm lova, damlo na tak leh enkawl zui ngai lutuk an awm bawk lo niin an sawi.

Covid hri len vanglai, kum 2020 March thla chawhnu lam atanga intan kha nikum-ah kha chuan a ziaawm hle tawh a. Mizoram-ah chuan nikum chhung khan Covid hri kai mi 74 an awm a, October thla atanga kumin May thla laihawl thleng khan hri kai hmuhchhuah an awm loh hnuah May thla atangin hri kai hi hmuh leh an ni a, kumina Covid hri kai hmuh-chhuah leh hmasak ber chu May thla laihawl ah niin mi 2 hri an kai tih hmuhchhuah an ni a, June thla chho khan hmuhchhuah awmin July thla ah hmuh belh an ni leh a ni. Covid hri leng avang hian Mizoram-ah mi 734-in an thih phah tawh a, kum 2021 kha thihpui tam ber kum niin mi 538 an thi a. Kum 2020 khan mi 8 thiin kum 2022 khan mi 180 an thih bakah kum 2023 khan mi 8 an thi leh a ni.

Mizoram-ah hian tun thleng hian Covid hri kai leh kai lo hre turin sample 19,97,787 enfiah a ni tawh a, an zinga mi 2,39,647-te chuan Covid hri an kai tih hmuhchhuah a ni a, mi 734-in thihpui-in mi 2,38,913 te chu enkawl dam an ni tawh a, kumin a hri kai hmuh te hi Aizawl District-a mi te vek an ni.tih hmuhchhuahan ni a, June thla chho khan hmuhchhuah awmin July thla ah hmuh belh an ni leh a ni. Covid hri leng avang hian Mizoram-ah mi 734-in an thih phah a, kum 2021 kha thihpui tam ber kum niin mi 538 an thi a. Kum 2020 khan mi 8 thiin kum 2022 khan mi 180 an thih bakah kum 2023 khan mi 8 an thi leh a ni.

Mizoram-ah hian tun thleng hian Covid hri kai leh kai lo hre turin sample 19,97,787 enfiah a ni tawh a, an zinga mi 2,39,647-te chuan Covid hri an kai tih hmuhchhuah a ni a, mi 734-in thihpui-in mi 2,38,912 te chu enkawl dam an ni tawh a, kumin a hri kai hmuh te hi Aizawl District-a mi te vek an ni.