World Police Championship-ah Mizo in Gold a la

World Police Championship 2025 neih mek ah Mizo nula Lalhumhimi chuan Judo kg 52 huang ah Gold Medal a la a, amah hi Indian Police Sashastra Seema Bal (SSB) tanglai a ni.

    He inelna hi US-a Alabama-ah neih a ni a, Zemabawk North nula Lalhumhimi hian kg 52 huangah Gold Medal a la a, a rihzawng inang zingah a chungnung ber a. Nikum June thla khan Guwahati-a All India Police Judo Cluster Championship-ah Lalhum-himi hi a chak ber avangin World Police Championship 2025 hi a khelh theih phah a, tun tumah pawh Gold Medal a la leh a ni. Lalhumhimi hian National Games 2022 leh North East Games 2016-ah te pawh khan Gold Medal a lo la tawh a, Mizoram tan Medal tam tak a  hlawhchhuak tawh bawk a ni. Home Minister K. Sapdanga leh Sports & Youth Services Minister Lalnghing-lova Hmar te chuan Social Media kaltlangin Lalhumhimi an lawmpui thu an sawi a ni.