Tualhthei khuahkhirh tan

Serchhip District Bawrhsap chuan Serchhip District chhunga Filling Station hrang hrang ten tuialhthei an pekchhuah theih zat a bithliah sak.
Hemi chungchanga nimin-a thuchhuah a siamah Bawrhsap Paul L. Khuma chuan kawng chhia avanga Tank Lorry te an tlan theih rih loh avangin Serchhip District huamchhunga tuialhthei chhek-khawl a khaihlak loh nan The Mizoram Trade Articles (Licensing and Control) Order 1987 para 24 &25 in thuneihna a pek angin he thupek hi a chhuah a. Hemi ang hian Scooty/Scooter ah litre hnih (2); Two Wheeler dang leh Auto Rickshaw-ah litre 4; LMV-ah litre 10; Sumo/Pik-up/407 Truck/Gypsy leh Medium Truck-ah litre 20 leh Truck-ah litre 40 bakah Buhfai leh mipui nitin mamawh phurtute Truck te tan an Challan enin an kalna tur kallam leh hawlam daih Petrol leh Diesel pek tur a ni ang.

Bawrhsap thuchhuah chuan ruahmanna siam aia tam hi Filling Station-ten an pechhuak tur a ni lo tih tarlangin, Bur, Gallon/Barrel-a dawh phal a nih loh thu leh a hmun-a kal te chuah pek tur an nih thu a tarlang a. He thupek hi thu leh awin hma chuan Legal Metrology Inspector ten 24x7 chhung lekkawhin Petrol Pump-ah Petrol litre 3000 leh Diesel litre 5000 (dead stock tel lovin) a awmin mipui-ah hralhchhuak tawh lovin DC atanga phalna nei hnenah chauh hralhchhuah a ni ang.