Sub-Hqrs. YMA Serchhip huamchhunga mi tanpui dawn

Central YMA chuan tunhnaia ruahsur nasa avanga chiattawk te tanpuina atan sum pechhuakin Sub-Hqrs. YMA Serchhip huamchhungah pawh mi 36 te hnenah tanpuina hi pekchhuah tura ruahman a ni.
Central YMA hian tunhnaia Mizoram chhunga ruahsur nasa tak avanga In leh lo chan bakah nunna hial chante tanpuina tura Aizawl City Branch YMA leh mi inphalte hnen atanga tanpuina lut chu semchhuah turin a ruahman a, he vanduaina thlenga thi mi 5 hnenah Rs. 35,000/- theuh pe in leiminin a hnawl In chhe vek 28 te chu Rs. 20,000/- theuh an pe a, In thiah leh tlu chhe mai thei dinhmuna ding 51 te chu Rs. 10,000/- pe in Saichal YMA Library min leh Bungtlang West ‘YMA Run’ chhia chu ERs. 31,000/- ve ve an pe bawk.

Sub-Hqrs. YMA Serchhip huamchhunga vanduaina tawkte pawh tanpuina pe turin Central YMA hian ruahmanna a siam a, Sub-Hqrs. YMA Serchhip huamchhungah hian nunna chan mi pakhat awmin leimin in In a hnawl leh In leh lo chan mi 19 awmin In thiah leh luah zui ngam loh 16 an awm bawk a ni.

Central YMA hian tunhnaia Myanmar ramchhung Chin Hills-a Zo hnahthlak unau inkara inhriatthiam lohna avanga Mizorama raltlante tan cheng nuai 6 hu tanpuina a pechhuak bawk a, Central YMA thuchhuah tarlan danin Zokhawthar Branch YMA hnenah cheng nuai 3 man eitur an pe a, Vaphai Branch YMA hnenah cheng nuai 2 man an pek bakah Sub- Hqrs. YMA Champhai hnenah cheng nuai khat an hlan bawk.