National Highway te siamtha turin phut

Mizoram-a lirthei pawl hrang hrangte chuan nimin khan thuchhuah intawm siamin chak lakluhna kawng chhe lutuk chu sawrkar leh NHIDCL in tun thla chhunga tlan nuam tawka siam tura an phut thu sawiin, kawng siam anih loh chuan an thiam dan anga hmalak an tum thu an sawi. Lirthei a eizawng pawl hrang hrangte RD Conference Hall, Aizawl-a thukhawm chuan NH-306 (Sairang to Kawnpui), NH-06 (Sairang to Buichali), NH-108 (Sairang to Langkaih) leh NH-6 (Kolasib to Bairabi) kawng chu lirthei tan zawh hlauhawm khawpin a chhia tih an sawi a, heng kawngpui te hi NHIDCL leh Mizoram sawrkar in July ni 30 thleng tlan nuam tawka an siam an phut tih sawiin, July ni 30 thlenga an harsatnate phuhru tura kawng hi siam a nih loh chuan an thiam dan anga hmalak ani tawh dawn tih an sawi a. Mizoram mipuite thlawpna an ngen thu an sawi bawk.