MUHCS hnuaia IVF tih theihna Aizawl-ah

Mizoram Universal Health Care System (MUHCS) hnuaia IVF tih theihna empanelled hmasa ber, AM Medical Centre Pvt. Ltd chu Chanmari West Aizawl-ah mipui pan theih a hawn a ni.

    He thu hi AM Medical Centre Director Kanad Maitra chuan nimin khan Aizawl Press Club-a thuthar thehdarhtute hnenah sawiin, AM Medical Centre hmunpui chu Kolkata-ah a awm tih a sawi a, Kolkata-a inenkawlna an chhawpchhuah chu hmarchhak mipuite tana chhawpchhuah sak ve turin huang an zauh mek tih sawiin, kumin May ni 20 atang khan Mizoram mipuite pan theih turin Chanmari West, Aizawl-ah AM Medical Centre an din thar a ni tih a sawi a, Aizawl-a an Centre-ah hian Ha lam enkawlna, Dental Department bakah Mizorama Ha CT Scan tih theihna hmasa ber- CBCT te, Vun lam enkawlna leh nau pai thei lo te tana nau pai tirna, IVF te pawh a tih theih a. Mizoram-ah MUHCS hnuaia IVF tih theihna empanelled hmasa ber an nih thu a sawi bawk a. Aizawl-a AM Medical Centre-a enkawlna hmanrua an neih loh avanga Kolkata-a an Centre pan tura an tih te chu an ei leh in bakah an thlenna tur thlengin a thlawna ruahman sak vek thin an nih thu a sawi bawk.