Mizoram-ah Cyber Crime kaihhnawih thubuai a tam

Mizoram Police Cyber Crime-a SP VL. Lura Hauzel chuan Mizoram-ah Cyber Crime hmelhriat tanna a rei loh ang huin Mizote chak takin a run mek a, Police te'n thubuai an chhui sen loh a awm mek niin a sawi.

Akashvani news Correspondent in a kawmnaah VL. Lura chuan kumin chhungin Police Station hnuaia Cyber Crime thubuai ziahluh hrang hrang zingah sum lam kaihhnawih inbumna thubuai chu za zela 90 an nih thu a sawi a. Sum lama inbumna bakah hian tunhnaiah hurherhna rawngkaia invauna leh intihmualpho tumna thubuai a tam thu sawiin, Cyber Crime-ah chuan a tuartu te'n bum an tawhin engemaw tih ve an lo neih thin avangin a pawi thui thei a, fimkhur ngaihna lai tak a nih thu a sawi bawk.

Cyber Crime chhinchhiah danin kumin January atanga July ni 15 thleng khan Cyber Crime kaihhnawih thubuai ziahluh 23 a awm a, heng zingah hian hnu chhui mek 17 awmin, mi 13 man an ni tawh a, an zinga 4 te chu thiamloh chantir an ni tawh a. Sum lama inbumna atangin Rs. 46,61,611 chu hmuhlet a ni tawh a ni. Cyber Crime kaihhnawiha bumna tawk te chuan helpline 1930-ah leh emergency helpline 112-ah engtiklai pawha biakpawh theih an ni bawk.