High Court Judge-in Legal Aid Clinic thar a hawng
Serchhip District Legal Services Authority bultuma Legal Aid Clinic hawnna hunah hian Justice Michael Zothankhuma chuan heng Legal Aid Clinic hi mipui mimir-in dan leh hrai kaihhnawih thurawn an lak theihna tur leh harsatna leh mamawhna an neih apianga an pan theih tura hawn a ni tih a sawi a. Puih ngai mi tupawhin inthlahrung lova engtik hunah pawh Legal Aid Clinic te hi pan thin tur leh khawtlang hruaitute pawhin tangkai takin hmang se a duh thu a sawi bawk a ni.
Hemi hma niminpiah khan Justice Michael Zothankhuma hian khaw pathum - Thingsai, Bualpui ‘H’ leh Thiltlang khua ah te Legal Aid Clinic hi a lo hawng tawh bawk a. Heng Clinic te hi Para Legal Volunteer ten an vil dawn a ni.
Justice Michael Zothankhuma hian Cherhlun leh North Vanlaiphai khua te hman tangkai atan Silpauline thahnem tak chu Village Council te hnenah a hlan a. Mizoram State Legal Services Authority Member Secretary Vincent Lalrokima leh Serchhip District Legal Service Secretary Josangzeli Tlau ten an tawiawm a ni.
Comments
Post a Comment
I ngaihdan i sawi hian mipui ngaihdan i tarlang a ni!