Dilna 613 pawm a ni tawh

Mizoram State Policy Coordination Committee (MSPCC) chu nimin khan Vice Chairman Dr. KC. Lalmalsawmzauva hovin P&PI Department Meeting Room-ah thukhawmin Commerce & Industries Department hnuaia Bana Kaih (Hand-holding) Scheme hnuaia loan dilna te an en ho a, dilna lut 25 an pawm a ni. Heti hian Bana Kaih Implementing Department hrang hranga dilna lut zawng zawng atangin MSPCC chuan 613 chu a pawm tawh a ni. Heng dilna lut te hi a luhna (concerned) Department in uluk taka enfiahin a diltute nen inbia a, a hmunah te an finfiah hnuah thlifimin, Department Committee, Minister ho a thu chuan MSPCC in a pawm turin a thehlut a. MSPCC in heng dilna lo lut te hi lo thlangchhuak lehin, Partner Bank te kutah a thawn leh thin a ni. Partner Bank te hian dilna an dawn atangin Loan la tur awm te hnenah loan hi an pe dawn a ni. Bana Kaih Scheme a dilna enfiah leh thlitfim hna hi a la kal mek zel a ni.