Dialysis khawl an veng

Mamit-a NGO hrang hrangte chuan Mamit District Hospital in Dialysis khawl, CSR kaltlanga a dawn pali zinga pahnih Serchhip-ah lak chhoh a nih hnuah a dang pahnih la awm chu lak chhuah a nih tawh loh nan a ven hna an thawk a. All NGO hruaitute hian Dialysis khawl pahnih lakchhuah tawh chu rang taka dahlet tura thuneiture ngenin, khawl pahnih la awm lakchhuah a nih loh nana venna tur CCTV an vuah nghal a, khawl hi engti kawng maha lak chhuah an phalloh thu an sawi bawk. Hospital thuneitute chuan khawl dahna tura ruahman, Mamit Hospital thar tur building chu Contractor nen an la in hlan loh avangin khawl hi bun theih a nih loh thu leh Hospital building hluia bun chu a theihloh thu an sawi a ni.