Co-operative Society chawivul thar a nih thu sawi

Cooperation Minister PC. Vanlalruata'n ZPM Sawrkar lo pian hnuah Co-operative Society chu chawi vul thar leh a nih thu a sawi.

Nimin khan Khumtung khua ah Rumliana Multipurpose Primary Agriculture Credit Society (M-PACS) hawnna neih niin he hun a hmanpuina ah hian Bialtu MLA leh Cooperation Minister PC. Vanlalruata chuan sawrkar hmalakna kawng hrang hrangah nasa zawka M-PACS chhawr tangkai an tum thu leh an chhawr tangkai mek a nih thu a sawi a, tunhnaia ZPM kaihhruai sawrkar-in thlai thar a leina kawngah pawh M-PACS engemaw zat chu hman tangkai a nih thu leh anmahni kaltlangin Sawhting pawh tam tak lei a nih thu a sawi a ni. Co-operation Minister chuan Bank awmlohna khua ah M-PACS a awm chuan Bank tha tak nei ang an nih thu sawiin, M-PACS tha taka kalpui tur erawh chuan thawhrimna, taimakna leh rinawmna neih a ngai tih a sawi bawk.

Khumtung M-PACS hawnna inkhawm hi Rumliana Co-operative Society Chairman Laltlankima chuan kaihruaiin Minister hi Serchhip atangin Cooperation Department hotu ten an tawiawm a ni.