Aizawl-ah Zikhlum thawn

Samthang khuaa chhungkaw 145 te chuan an Zikhlum chin hralhchhuahna lamah harsatna tawkin Aizawl khawpui chhunga YMA Branch thenkhat - Chaltlang, Khatla, Maubawk, Tuikual, ITI, Bethlehem leh Republic Veng te chu Samthang Farmers' Association te chuan biain an Veng chhungah YMA kaihhruaina hnuaiah Zikhlum hi zawrh an tum a, nimin khan Zikhlum thawnchhuah runpui an nei a ni. Zikhlum phurhna atana lirthei hman man Rs. 50,000 chu Bialtu MLA Ramthan-mawia chuan a tum sak a, thudawn danin lirthei an duh ang zat an hmuh zawh loh avangin Zikhlum lak tur report satha ip 1500 chu a chanve ip 700 velah an tla thla leh a, tun thla ni 24-ah thawn leh tura ruahman a ni.