YMA hnenah Pik Up hlan

Aizawl North-I Bialtu MLA leh PWD Minister Vanlalhlana chuan Inrinni khan Lily Veng Branch YMA te hnenah Mahindra Bolero Pik Up a hlan a, hemi puala inkhawm Transport Department Complex, Chaltlang-a neih ah Vanlalhlana chuan Corporate Social Responsibility (CSR) kaltlanga motor an dawn theihna tura hmalak a nih dante a sawi a. Branch YMA ten an rama sak an lo dil thin Multipurpose Hall chungchang pawh sawiin, thu in tiam thei rih lo mahse a puitlin theih nan theihtawp chhuahpui a tum thu a sawi a ni. PWD Minister-in a hlan tak Mahindra Bolero Pik Up hi Nidhi Creative Infrastructure Private Limited-in CSR kaltlanga an pek niin Branch YMA hruaitute bakah Local Council Charman te pawhin thu an sawi a ni.