Ui khuahkhirhna kalpui zel

Zonuna Kawlni /

Serchhip District chhunga Ui khuahkhirhna thupek kalpui mek chu thla hnih (2) dang kalpui leh turin thupek tihchhuah a ni.
 Hemi chungchanga nimin June 9, 2025-a Serchhip District Magistrate Paul K. Khuma’n thupek a tihchhuah a tarlan a nih danin Ui khuahkhirh lova khawlaia chhuah tir thin hian khawtlang faina, himna leh hriselna a nghawng theih bakah khawtlang hmasawnna leh changkanna daltu a nih theih avangin Section 163 of Bharatiya Nagarik Suraksha Sanhita, 2023 tlawhchhanin thupek tihchhuah a ni a. He thupek ang hian mi tumahin midangte tana harsatna siam zawng leh midangte tana hnawksakin Ui an vulh tur a ni lova, Ui vulhtuten khawlaiah an Ui te an chhuah zalen tur a ni lovin khawlaia an chhuahpui dawnin hrui/chain rinawm tha taka hlingin an kai ngei tur a ni a, Ui vulhtuten an Ui vulh te tha takin an khuahkhirh tur a ni bawk.

Ui khawlaia tla leh a nghawng a hrui/chain-a thlunna awm lo te chu neitu awm lo anga ngaih a ni anga, Ui vulhtuten an Ui vulhte zun leh ek khawlaiah an hnutchhiah tur a ni lo a. He thupek hian thu leh awm hma chu Order chhuah June ni 9, 2025 atanga thla 2 chhung huamin thupek zawm lo te chu Section 223 of Bharatiya Nyaya Sanhita, 2023 dan hmangin hrem theih an ni ang.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »