Tui sem mumal thei dawn lo

Tunhnaia ruahsur avanga leimin ah PHE Department in mipuite hnena Tui an semna chu hmun engemaw zat ah a chhia a, hei vang hian mipuite hnena mumal taka Tui sem theih hun tur hriat ala ni lo. PHE Department hotuten an sawi danin tunhnaia ruahsur ah khan PHE Department Pump Line chu chhiain Electric Line a chhe bawk a, hei bakah hian IOC Veng Booster Pump atanga Serchhip Bazar lam chawmna line chu P&E Veng-a LFCS thlang lamah a chhiat bakah khawchhung hmun hrang hrangah pipeline chhia a awm bawk a, hei vang hian hun engemaw chen chu mipuite hnenah Tui an sem thei rih dawn lo a ni. Hei bakah hian PHE Department in Thenzawl-a Lau lui an lakna ah pawh Tuikhuah chhe lovin a bul vel a chhe nasa hle bawk a, hei vang hian Tui pump pawh khaihlak rih tura ngaih a ni bawk.