STOP Diarrhoea Campaign

Zonuna Kawlni (LENKAWL) • June 17, 2025 • Comments • Mizoram

National Health Mission (NHM) hnuaia Reproductive & Child Health (RCH) Programme hmalakna in thla hnih (2) chhung awh tur Kawthalo do beihpui thlakna ‘Stop Diarrhoea Campaign’ chu nimin khan Health Minister Lalrinpuii chuan a Pisa-ah a hawng a, he beihpui thlakna atan hian ‘Kawthalo ven nan faina leh ORS a pawimawh’ tih chu thupui-ah hman niin kum 2014 atang khan kumtin hetiang hun hi hman thin a ni. STOP Diarrhoea Campaign chhung hian naupang kawthalo enkawl nana tha ber ‘ORS leh Zinc’ thatna nasa zawka inzirtirna pek a ni leh dawn a. Health & Wellness Officer, Health Worker, Anganwadi Worker leh ASHA ten anmahni Bial chhungah naupang kum 5 hnuailam te chenna In-ah kalin kawthalo enkawlna turin ORS leh ZINC Tablet an sem dawn a ni.

He beihpui thlak hawnna hi Aizawl bakah District hrang hrangah pawh neih a ni a, Serchhip ah pawh CMO Conference Hall-ah beihpuithlak hawnna hi neih a ni bawk.