SCDTTA Season Opening Tournament khel zo ta

Serchhip District Table Tennis Association buatsaih ‘SCDTTA Season Opening Tournament, 2025’ chu Inrinni khan khelh zawh a ni ta.

Zirtawpni atanga SCDTTA Hall, New Serchhip Indoor Stadium-a khelh ‘SCDTTA Season Opening Tournament, 2025’ ah hian Category 11-ah inelna neih niin Inrinni khan khelh zawh a ni ta, Men’s Singles-ah R. Lalzuiliana chu Champion in K. Lalnunhlua chu pahnihna a ni a. Women Single’s-ah C. Lalremsiami chu Champion in Lalsiamkimi chu pahnihna a ni bawk. Heng bakah hian Youth Boys-ah Rammuanpuia chu Champion in Men’s B Singles-ah Denis Malsawmzela chu Champion in Above 35 Men’s Singles-ah B. Lalhmuakkima leh 55+ Men’s Singles-ah C. Lalnghakliana te an Champion bawk.

Kum 35 chunglam Hmeichhe inelna ah Lal-siamkimi chu Champion in 55+ Women’s Singles-ah F. Edenthari a Champion a, Youth Girls Singels-ah C. Lalremsiami leh Sub-Junior Girls Singles-ah Lalchhanchhuahi te an Champion bawk a. Team inelna ah R. Lalzuiliana, Lallawmawma leh Lalsiamkimi te inkawp chu an Champion bawk a ni.