Private Hospital nena inrem theih loh chhan sawi

Zonuna Kawlni /

Health Minister Lalrinpuii’n Mizoram Universal Health Care Scheme (MUHCS) chungchanga Aizawl Private Hospital te nen an inrem lawk theih loh chhan chu Sawrkar hmasa lama batral sak a tam thin em vang a nih thu a sawi a, tunah hian Cashless thei turin inbiakna an kalpui reng thu leh Synod Hospital-ah pawh hman theih tura an inrem thuai a beisei thu a sawi.

He thu hi ZPM Southern Hqrs. Lunglei in nimin-a an Party chhung inkhawmah an neih ah sawiin Health Minister Lalrinpuii chuan MUHCS hi Lunglei-ah chuan Serkawn-ah a hman theih tawh tih a sawi a, tun dinhmunah PHC hrang hrangah Doctor thar nghet a thawk tur 9 an lak bakak NHM atangin Doctor 39 an la thar tih a sawi bawk.

ZPM Sawrkar hma in PHC te a ruak huai thin tih sawiin, tunah chuan theih ang angin an inhnawhkhat tih a sawi a, Sub-Centre pawh hnawhkhah a semrual niin 87 chu an hnawhkhat tawh tih a sawi a, Health Worker 100 lak thar leh a hnawhkhat leh an tum mek tih a sawi bawk.

Minister chuan, ATL Road chungchang ah pawh Lunglei MLA te an tangrual hle tih sawiin, Mizoram mipui tam tak te thik khawpin cheng Vbc. 104 dah a ni ta chu lawmawm a tih thu a sawi a, Pukpui Engineering College pawh nakum a hman theih turin Post 63 an tifel tawh thu leh hmanni khan Cabinet Meeting in an pawm fel tawh tih a sawi a, a kalkawng leh mamawh dang siam nan cheng vbc 25 chu CM in a dah tawh tih a sawi bawk.

Mitthi ruang phurh chungchang pawh Social Welfare Minister ni bawk Lalrinpuii hian sawiin, sawrkar in ruang phurh chu mawh-a a lak hnuah ruang 700 chuang an thawnchhuak tawh tih a sawi a, hmanni lawkah ruang 666 phurh man chu pek fel a ni tawh tih sawiin, tunkar chhung hian ruang 86 phurh man chu pek fel leh tur a ni tih a sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »