Natna-ah fimkhur turin chah

Zonuna Kawlni /

Furpui laia tui thianghlim lo leh eitur thiang-hlim lo atanga natna kai theih hrang hrang lakah fimkhur turin Directorate of Health Services-a thawkte'n mipui an chah.

Directorate of Health Services hotu Dr. Lalthanmawii Khalthang chuan Furpui laiin tui thianghlim lo leh eitur thianghlim lo atanga natna kai theih zingah Typhoid, Thinlian (Hepatitis A) leh Tuihri (Cholera) te chu natna tlanglawn a ni tih a sawi a. Hei bakah hian tun ang Fur khua, khaw hnawngah hian thosi an puang duh hle tih sawiin, Thosi seh atanga natna kai theih Malaria leh Dengue lakah fimkhur a ngai hle tih a sawi a, nikum khan Malaria leh Dengue mi 20 chuangin an thihpui tih a sawi a ni.

Dr Lalthanmawii chuan heng natna lan-chhuah dan hrang hrang- Khawtha lo, luak, khawsik, taksa na them thum, lu na, taksa sen chhuak, mit liam, Thinlian nei te chu thisen test vat a Doctor pan thin turin a chah a, heng natna te hi hmuhchhuah thuai a tha taka enkawl a nih chuan a dam leh thuai theih a, a hlauhawm loh tih a sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »