Buhfai sem lawk dawn

Mizoram Sawrkar Food, Civil Supplies & Consumer Affairs (FCS&CA) Department chuan kumin Furpui kan hmachhawn chhoh mekah mipui te'n buhfai-a harsatna an tawh lohna turin theihtawp an chhuah mek tih sawiin, Fur laia kal/tlawhpawh harsatna thin khuaa Kudam-ah te buhfai a chhek-khawl fel tawh tih an sawi a. Hetihlai hian Retailer-te buhfai khul leh sem chhuah kawngah harsatna awm thei tih sawiin, hemi atana inbuatsaih lawkna atan leh dinhmun harsa zawkte'n buhfai an tlak-chham loh nan Sawrkar laipui, Ministry of Consumer Affairs, Food & Public Distribution nena tangrualin NFSA buhfai, thla thum quota chu sem lawk tura ruahman a ni tih an sawi a. He ruahmanna ang hian Card Eng (AAY) leh Card Pawl (PHH) hmangtute June, July leh August buhfai chanpual chu June thla chhung hian sem lawk a ni ang tih an tarlang bawk.