MTA awmna hmun tur en

Mizo Territorial Army dinna tura hmalakna kal zelah Coordination & Land Search Committee Member te chuan nimin khan an Chairman Lt. Col. Clement Lalhmingthanga MLA hovin Mizo Territorial Army awmna tur atan Lungleng a Bellei Tlang chu a hmunah an enfiah a. Mizo Territorial Army hi a bul tan nan Company hnih (2) din phawt tura ruahman a ni a. MTA hmunpui tur atan hian hmun hrang hrang enkual chhoh mek a ni a, Lungleng rama Bellei Tlang hi remchang hle a hriat a ni a, amaherawh chu Coordination & Land Search Committee chuan uluk leh zau zawka sawiho leh tha a ti a, a tul ang zelin Lungleng khawtlang hruaitute nen sawiho tura ruahmanna siam a ni.