MPCC in Aizawl-ah Friday Political Session an nei

Mizoram Pradesh Congress Committee (MPCC) chuan nimin khan Aizawl-a Congress Bhavan-ah Friday Political Session neiin MPCC Sr. Vice President Lalnunmawia Chuaungo chuan Mizoram party zinga ram hmasawn nana sulsutu leh awmze neia hmala tam ber chu Congress party a nih thu leh chu chu mipui pawhin an pawm nia a hriat thu a sawi a. “ ZPM lo vote tawhtu te an beidawng tawh tawh tih a chiang a ni. Congress in sawrkar kan duha chumi tur chuan hma kan la mek a. Kan rilrua lian ber tura ka duh chu keimahni tan ni lovin, kan zavaia hmasawnna tur atan, mipui nawlpui ten ngaih pawimawh hmasak ber an hlawhna sawrkar din turin kan ngaihtuahna sengin theihtawp kan chhuah ang,” a ti. MPCC Sr. Vice President chuan mipui harsatna kan ngaih pawimawh chauhin mipui tan thil tha kan ti thei dawn chauh tih pawh sawiin, “Keimah leh ka vua leh vangte kan han hausa phawt anga kan tih chhung chuan ram hmasawnna a awm lovang. Congress chu kan danglam ang, kan President Lal Thanzara hovin rorelna tha, mipui rawngbawl tur kan din thei ngei ang tih hi ka ring tlat a ni,” a ti bawk.