Id-ul Zuha (Bakrid) pualin tawngtaina hun hmang

Zonuna Kawlni (LENKAWL) • June 9, 2025 • Comments • Mizoram

Inrinni zing khan Aizawl Mosque Committee huaihawtin Muslim Ni pawimawh, Id-ul Zuha (Bakrid) puala a huho-a tawngtaina hun chu Aizawl West-II Joint YMA Field-ah hman a ni.

Tawngtai rualna hun hi Aizawl Mosque Committee & Muslim Welfare Society Mizoram General Secretary Md. Mamon Majumdar chuan kaihruaiin, Id pualin Zoram mipuite chibai bukna leh duhsakna a hlan a. Khawtlang Mipui,YMA leh Mizoram sawrkar te nen thawhhona tha an nei chu lawmawm a tih thu a sawi a. Inner Line Permit chungchangah dan zawm ngaite tha taka zawm thin turin Mizoram-a Muslim awmte chu a chah a, ram neitu mipuite nen inpawh tak leh him taka awm ho zel turin kalkhawm te chu a chah a. Tunhnaia ruahsur nasa avanga chhiatna thlengah, nunna chante an tawrhpui thu a sawi bawk a ni.

Aizawl Mosque Committee hi kum 1909 khan Aizawl-ah din niin tunah hian Lunglei leh Siaha-ah Mosque din a ni tawh a ni.