Health Minister in a Bial chhunga Zirna In a tlawh

Health & Family Welfare Minister Lalrinpuii chuan nimin atang khan a Bial chhunga Zirna In te tlawhin Zirtirtu hnenah Drugs Awarness kalpui that a pawimawh thu a sawi a, tunlai hian zirlai, Middle School zirlai atangin damdawi khawih an awm tawh thu a sawi a, ruihhlo bawih-a zirlai naupangte an tan lohna tura theihtawp chhuah a pawimawh thu leh chumi kawngah chuan Zirtirtute chu an pawimawh hle tih a sawi a. School-ah Drug Awarness neih a tul an tih chuan inthlahrung lo tura chahin, anni lamin an lo bawhzui sak zel tur thu a sawi bawk.

Zirna In a tlawhte hian Minister hnenah hian an mamawhte lo thlenin a theih ang angin MLA Fund atanga buaipui sak a tum thu leh theihtawpa hmalak pui zel a tum thu a sawi bawk. Minister hian nimin khan School 12 tlawhin Vawiin lam hian a tlawh chhunzawm leh dawn a ni.