Governor Rule-a dah duh

Zonuna Kawlni (LENKAWL) • June 13, 2025 • Comments • Mizoram

Chakma Autonomous District Council huam-chhunga tlawmngai pawl pathum te chuan CADC chu thla 6 chhung Governor Rule-a dah turin Larsap Gen. (Retd) VK Singh a hnenah an thlen.

Young Chakma Association (YCA), Mizoram Chakma Students’ Union (MCSU) leh Chakma Mahila Samiti te hian Memorandum siamin CADC buaina a thuk thu leh sawrkarna inthlakthlengna thleng leh mai tur khawpin boruak a inmun mek niin an sawi a. Term hmasa khan CADC-ah vawi nga (5) sawrkar a inthlak a, tun term ah hian vawi hnih inthlak leh tawhin, tunah pawh politics boruak a inlumlet leh mek a, hei hi MDC te chu chan tha zawk chang tur leh hnalakna ah pawh duhsak an nih tur thu a thlem an nih thin vang noa sawiin, Governor chu inrawlh thuai se an ti a ni.

Hei bakah hian CADC sum dinhmun chu a chhe hle nia sawiin, thla 4 chhung sawrkarin hlawh a pe tawh lo a, kumin sawrkar kum kal mekah hian thla 8 vel chu bathlaua kal tur ni a rinlawk a nih thu an sawi an sawi bawk.