Covid kai te Sample enfiah tura thawn tum a ni

Kar kalta Ningani-a Mizoram-a COVID-19 hri kai hmuchhuah tharte Sample chu tunkar tir lamah hian eng COVID-19 chi ber nge tih endik turin Kolkata-ah thawn tum a ni.

Integrated Disease Surveillance Programme (IDSP) State Nodal Officer Dr. Vanlalrengpuia Chinzah sawi danin tun dinhmunah Mizoram-ah eng COVID-19 chi (variant) ber nge tih endikna a awm loh avangin COVID-19 hri kai hmuhchhuah tharte Sample hi lain eng ang chi ber nge tih hre turin (genome sequencing) thawn turin buatsaih a ni. Khawvel ramdanga COVID-19 hri a len thar leh hnua ramchhung a he hri kai mi 3,400 vel an awm leh tak hnu hian an hri kai chi tlanglawn berte chu JN.1, XFG leh LF.7.9 ti a vuahte a ni a. A lanchhuah dan a nasa vak lo hlawm a, natna lo nei sa leh kum upa lam tih loh chuan an thihpui vak lo ni a hriat a ni.

Kumin chhung hian Mizoram-ah COVID-19 hri kai ni a inringhlel mi 189 sample endik a ni tawh a, hri kai mi pahnih hmuh an ni tawh a ni.