TBCC in sawrkar thawhpui duh lo thin niin sawi

Social Welfare Minister Lalrinpuii chuan tunhnaia chanchin ngah tak Tawngtai Bethel Camping Centre (TBCC) chuan sawrkar thawhpui an duh lo tlat thin niin a sawi. Nimin-a thuthar thehdarhtute a kawmna ah Social Welfare Minister chuan TBCC chungchang hi sawiin, “Vanduaithlak takin TBCC hian Sawrkar thawhpui hi an duh lo tlat thin a. MSD&RB, Social Welfare Department lam ten Centre-a thawktute training an buatsaih thinah an tel remchang lo fo thin. Kumin February ni 14 khan Director leh Officers, Social Welfare Department te bakah Doctor leh Professional Counsellor ten an hmuna kalchilha a thlawna inentirna leh eitur thahnem tak nen zuk tlawh a, Counselling leh damlote kawmna hun zuk hman an tum pawh dawngsawng duh loin chawpchilh takin an thulhsan a ni,” a ti.