Serchhip-ah Education Reforms Campaign neih a ni

Nimin khan Serchhip District Education Reforms Committee buatsaihin ‘Education Reforms Campaign’ neih a ni.
Serchhip DIET Training Hall-a ‘Education Reforms Campaign’ hi Ser-chhip District Education Officer (DEO) Lawmawma chuan kaihruaiin Mizoram Education Reforms Committee (MERC) Working Chairman Prof. Lalbiakdiki Hnamte chuan he hun an buatsaih chhan te a sawi a, ani bakah hian IASE Principal (Rtd) Dr. Vanlalhruaii te chu Resorce Person atan hmangin zirna siamthat (Education Reforms) thupui hmangin thu a sawi a, he huna tel zirtirtute nen inkawmna an nei zui bawk a ni.

He hunah hian Mizoram sawrkar chuan zirna siamthat chu a tum lian ber pakhat a nih thu leh hemi kawnga hmalakna pakhat atan Mizo-ram Education Reforms Committee (MERC) chu din a nih thu tarlan a ni a. Sawrkar sum tihek lova zirna siamthat dan ngaihtuah chu an din chhan pawimawh tak pakhat a nih thu leh sawrkar term kal lai kum 5 chhung ngei hian zirna kal-phung mumal zawk Committee hian a hrinchhuah theih ngei an beisei thu tarlan a ni bawk. Nimin a Education Reforms Campaign-ah hian Serchhip District-a School Headmaster, Principal, Education Officers leh DIET Faculty te an tel a ni.