‘Operation Sindoor’ thlawpin Aizawl-ah kawng an zawh

Zonuna Kawlni /

BJP Mizoram chuan ‘Operation Sindoor’ ral hmatawnga awm India Sipai, Mizo tlangval huaisen te zahna leh an thlawpna lantir nan nimin khan Aizawl-ah kawngzawh an huaihawt.

He kawngzawh hi Aizawl Tresury Square-a War Memorial atanga Vanapa Hall kawt thleng neih a ni a, kawngzawh tan hma in BJP Mizoram President Vanlalhmuaka chuan thu sawiin, kawng an zawhchhan chu Pakistan sawrkarin a thlawp mi firfiak ten India ram chhungah pawisawi lo mi engemaw zat Pahalgam-ah an thah avanga Prime Minister Narendra Modi-a kaihhruai India sawrkarin a thungrulhna atana Operation Sindoor hnuaia Pakistan ah beihpui a thlaknaa tel India sipai huaisen te Mizoram mipui ten an thlawpna lantirna a ni tih a sawi a. India sipaite ral beihna hmunpuiah, tun hunah hian Mizo tlangval huaisen chhuanawm tak tak, Mizoram leh Mizo hnam tihmingthatu, zam ngai lo val engmaw zat an awm tih an hriat thu sawiin, Mizoram leh Mizo hnamin an chuang hle tih a sawi a ni.

Kawngzawh kharna ah hian BJP Mizoram Core Member Lalrinliana Sailo chuan thu sawiin Bethlehem Corps Commanding Officer, Maj. Laldawngliana chuan tawngtaina in a khar a. Ex-Servicemen te leh party pawn lam atanga kawngzawh thlawptute an tel bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »