Chhiatna zirtu ten Chief Minister an kawm

Zonuna Kawlni /

Aizawl leh a chhehvela lung tla thin zirchiang tura a sawm Er. Manthan Chauhan, Asst. Manager, Maccaferri Geo-technical Solutions Pvt. Ltd leh Dr. C. Sawmliana, Chief Scientist, Council of Scientific & Industrial Research-Central Institute of Mining & Fuel Research (CSIR-CMIR) Central Institute of Mining & Fuel Research (CSIR-CMIR) te chu nimin khan Chief Minister Lalduhoma chuan a Pisa-ah a kawm a. Heng miithiamte hian Lengpui road Pukpui bul chu a ko hi a chhawrdawh (benching) tura hal (blasting) thain an hria a. A chung lama ram neitute pawhin mipui himna atan chuan an ram te hi an pek phal mai an beisei thu an tarlang a ni.

Ngaizel-a chhiatna a thlen hian kawng chhak lam ko hnaiha lirthei awm leh tlan lai te chungah a thleng deuh zel a. Kawng hi a zau thawkhat nain a thlang lam sirah City Bus dah a nih avangin lirthei kaltlang tur te hian kawng chhak lam hnaiha an tlan a ngai thin a. Hei hi tihdanglam a tul nia a lan thu an tarlang a. Ngaizel-a lung tla thin venna rintlak tak, khuarei daih ni bawk si siam tur chuan cheng vbc. 90 vel zet a tul dawn niin an ngai a. Hlimen lama hmalak dan tur tha nia an hriat pawh an sawiho bawk.

He inkawmna ah hian Chief Minister Lalduhoma chuan Lengpui kawng Pukpui bul ko hlauhawm siamna tur leh Ngaizel lung tla thin tihnepna leh chhiatna a thlen fo thin pumpelhna tur Detail Project Report tha tak siam ran tha a tih thu a lo hrilh a. Central Institute of Mining & Fuel Research (CSIR-CMIR) te nena tangkawpin, a tul anga IIT lam mithiamte pawh rawnin, DPR siam phawt tum turin a chah a. An rawtna a taka thawh thuai a nih theih dan tur a lo hrilh bawk.

Heng mithiamte hian chawhma lamah Home Minister K. Sapdanga hmuin an thil hmuh dan report an pe a. Home Minister ruahman angin Chief Minister hi an hmu ve leh a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »