MP in NCST Chairman kawm

Mizoram-a National Commission for Schedule Tribe (NCST) te an lo zin tuma an sawmna bawhzuiin Mizoram Lok Sabha MP Richard Vanlalhmangaiha chuan nimin khan NCST Chairman Antar Singh Arya chu Delhi-a a Office-ah hmuin an inkawm a, he hunah hian India hmarchhak a tlangmi, mi nuai 50-60 vel ten harsatna hrang hrang an tawhte sawiin, heng zinga pawimawh zual zingah, Income Tax Act Section 10(26) in Tax a awl laia sumdawng thenkhat leh mi tam takin Income Tax Office atangin ba thinna an dawng thin te, Sipai bangte pension hlawh atanga Income Tax cut a nih thin bakah, Central Bank Office-a thawk Schedule Tribe ni si te an hlawh atanga TDS (Tax Deducted at Source) cut thin a nih thute a hrilh a. Income tax lampang chuan nil return file thin tura an tih thute leh hei hian tlangmite tana harsatna nasa tak a siam thute a thlen a ni.