Mat Lui Project sawipui

New Delhi-a cham mek Chhief Minister Lalduhoma chu nimin khan Union Jal Shakti Minister CR Patil chuan a In-a leng-ah sawmin chhun thingpui a inpui a, he hunah hian Mat Lui-a Integrated Water Resources Management Project chungchang a sawipui a. Sawrkar thuchhuah in a tarlan danin Mat Lui Project hi Thlai chawmtu tur tuilakna leh mipuite tui tlan tur lakna atana ruahman a ni a. Brahmaputra Board nena hmalak tura tih niin Chief Minister leh Union Minister te hian chak taka bawhzui nise an ti a ni.

Chief Minister hian kumin January 15 khan NBCC hotute chu a Pisa-ah kawmin Serchhip kiang Mat lui Multipurpose Dam thawh dan tur a lo sawipui tawh a, hemi tum hian a 3D Model an siam te an thlirho bawk a ni.