LADC sawrkar thiah duh

Lai Students' Association (LSA) General Headquarters, Lawngtlai chuan Lai Autonomous District Council Sawrkar thiata inthlanna a rang lama buatsaih a nih theih nan hmala turin Mizoram Larsap an ngen.

LSA General Headquarters hruaitute hian nimin khan Lawngtlai Press Club ah thuthar thehdarhtute kawmin an pawl President K.Lalhuliana chuan LADC Sawrkar Term kallai ah Sawrkar dinglai inpaihthlakna thleng reng mai chuan ram hmasawnna tur a dalna tih sawiin, MDC te chet duh dan chu ram mual-phona a ni tih a sawi a, Sawrkar thar a pian theih nan inthamna leh chanvo tha intiamkamna te pawh a awm nia an hriat thu leh LADC ah MDC ten an mimal hamthatna an um nasat avangin a mualpho ni-a an ngaih thu a sawi a. Larsap chu LADC Sawrkar thiata, inthlanna neih thuai a nih theih nana hmala tura an ngen thu a sawi bawk. 

Lai Students' Association Gen. Headquarters chuan LADC ah Sawrkar nghialnghet a awm theih loh avangin eng Party mah Sawrkar tir an rem tih dawn loh thu leh hma an lak chhun-zawm zel tur thu an sawi bawk.