Kumin-a HSSLC Exam result MBSE in tichhuakin zirlai Exam za zela 81.10 ten an pass

Mizoram Board of School Education (MBSE) chuan pawl 12 zirlaite tana kumin-a Higher Secondary School Leaving Certificate (HSSLC) Exam a buatsaih result chu nimin khan tichhuakin a pumpui (Arts, Science leh Commerce)-ah zirlai za zela 81.10 in an pass a, nikum-a pass percentage 78.04 aiin 3.06% in a sang zawk a ni.

MBSE in kumin-a HSSLC Exam result a tihchhuah atanga a lan danin kumin hian Arts, Science leh Commerce-ah Exam tura inziaklut zirlai 12,281 awmin an zingah hian Exam thei lo mi 176 an awm avangin zirlai mipa 5,545 leh hmeichhia 6,560; an vaiin zirlai 12,105 ten Exam hi an hmachhawn a, an zinga mipa 4391 leh hmeichhia 5426; an vaiin 9817 ten hlawhtlinna changa pass in za zela 81.10 in an pass a, Comparmental Chance nei zirlai 91 awmin hlawhtling zo ta lo a Fail 2197 an awm bawk a ni. Kumin a HSSLC Pass thar te zinga 701 te chuan Distinction-ah pass in 1st Division-a pass 3250, 2nd Division-a pass 3970 leh 3rd Division-a pass 1896 an awm bawk a ni.

MBSE Chairman JH. Zoremthanga chuan, thawhhona tha tak hnuaiah HSSLC Exam Result tihchhuah a nih avangin lawmthu a sawi a. “Kan School Education Minister Dr. Vanlalthlana kaihruaina hnuaiah Education Department pawhin hma a sawn chho mek a, HSSLC result pawh a uapna hnuaiah hma takin kan tichhuak thei leh ta a ni,” tiin “Centre Superintendent leh Invigilator-te, Police Department leh Health Department pawhin an mawhphurhna tha takin an hlenchhuak a, lawmthu kan sawi bawk a. Centre Superintendent leh Invigilator-ten discipline an lekkawh that avang leh exam kaihhruainate an kenkawh that avangin naupang entawn hnawhchhuah ngai an awmlo hi a lawmawm hle,” a ti bawk. 

Tun tumah hian Arts Stream-ah zirlai 8658 ten Exam hmachhawnin zirlai 6938 te an pass a, pass percentage chu 80.13 a ni a, Compartmental Chance nei mi 69 awmin Fail 1651 an awm bawk a, Distinction-ah zirlai 409 ten pass in 1st Division-ah 1841, 2nd Division-ah 2909 leh 3rd Division-ah 1779 an pass bawk a ni. A pumpui-ah Lalrammawii Tochhawng D/o Reuben Lalrinkima, Mount Carmel School Aizawl chuan mark 500-ah mark 471 hmuin pakhatna a ni a, Zorinmawii D/o Thanchungnunga, St. Pauls' HSS Aizawl chuan mark 460 hmua pahnihna niin Daniel Lalruatsanga S/o Lalringmaia, St. Pauls' HSS Aizawl chuan mark 456 hmuin pathumna a ni bawk.

Science Stream-ah Zirlai 2798 ten Exam hmachhawnin zirlai 2396 pass in za zela 85.63 pass ang an ni a, Compartmental Chance nei mi 14 awmin zirlai 388 te an Fail thung, Zirlai pass te hi Distinction-ah 228, 1st Division-ah 1260, 2nd Division-ah 856 leh 3rd Division-ah zirlai 52 te an ni a, a pumpui-ah Cynthia Lalhlupuii Shangpliang D/o Kyrshanbor Shangpliang, St. Pauls' HSS Aizawl chuan mark 500-ah mark 477 hmuin pakhatna a ni a, Srijita Samanta D/o Arup Kumar Samanta leh T. Lalmuanpuia S/o T. Laldingliana, St. Pauls' HSS Aizawl ve ve chuan mark 473 hmuin pahnihna an ni a. St. Pauls' HSS Aizawl zirlai bawk H. Malsawmdawngzuala S/o Lalsangzela Hauzel chuan mark 459 hmuin pathumna a ni bawk.

Commerce-ah Exam beitu zirlai 649 awmin zirlai 483 in an pass a, za zela 74.42 pass ang niin Distinction-ah zirlai 64, 1st Division-ah zirlai 149, 2nd Division-ah zirlai 205 leh 3rd Division-ah zirlai 65 ten an pass a, Compartmental Chance nei mi 8 awmin zirlai 158 an Fial thung a ni. A pumpui-ah Kristin Laldinpuii Ralte D/o Lalsangliana Ralte, Oikos HSS, Aizawl chuan mark 500-ah mark 470 hmuin pakhatna a ni a, Lalhruakima S/o Laltanpuia, St. Joseph' HSS Aizawl chuan mark 465 hmua pahnihna niin mark 452 hmutu Esther VL. Roluahpuii D/o C. Vanlalnghakmawia, St. Pauls' HSS Aizawl chu pathumna a ni bawk.