Inter-Branch YMA Football Tournament khelh tan a ni ta

Zonuna Kawlni /

Central YMA buatsaih ‘LBS Inter-Suzuki 22nd Inter-Branch YMA Football Tournament 2025’ chu nimin khan Aizawl-ah khelh tan a ni a, tun thla ni 31-ah Final khelin zawhfel hman tura ruahman a ni.
 Mizoram-a Football inelna ngaih-hlut ber te zinga mi Inter-Branch YMA Football Tournament vawi 22-na hi nimin khan Aizawl-a khelmual pali-ah khelh tan a ni a, tun tumah hian Aizawl khawchhung leh pawn atangin Branch 154 an tel a, Central YMA Football Tournament a Branch tel an tam ber dawttu a ni. Group A-ah YMA Branch 20 awmin Serchhip Sub-Hqrs. atangin New Serchhip Venglai leh Keitum an awm a. Group B-ah Branch 19 awmin Hmuntha an awm bawk.

Group C-ah Branch 19 awmin East Lung-dar Venghlun Branch an awm a, Group D-ah Branch 19 bawk awmin Chhingchhip Mualpui, Khawlailung leh Serchhip Field Veng an awm a. Group E-a Branch 19 leh Group F-a Branch 19 bawk awm zingah Serchhip Sub-Hqrs. hnuaia mi an awm lo a. Group G-a Branch 19 zingah Chhekhnai Branch awmin Group H-a Branch 20 awm zingah Lungchhuan, Serchhip Vengchung leh Khawbel te an awm a. Knockout System in khelh tur a ni ang.

Nimin-a inkhel ah Serchhip Sub-Hqrs. YMA huamchhung atanga tel zingah New Ser-chhip Chhekhnai Branch chuan Ramhlun North Branch chu si li faiin an hneh a, New Serchhip Venglai Branch erawh Lungdai Branch lakah 4-1 in an tlawm thung a ni.

Vawiin-a inkhel tur 12 awm zingah Ser-chhip Field Veng Branch te chu Ramhlun Vengthar Branch nen chawhnu dar 2:30-ah 1st Bn MAP Ground, Armed Veng-ah an inhmachhawn ve leh dawn a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »