DAMC Auction Team in Chhingchhip SCC an tlawh

Serchhip District Agriculture Marketing Committee (DAMC) hnuaia Auction Team te chuan nimin khan Chhingchhip-a Secondary Collection Centre (SCC) chu an tlawh a, hemi hmalam hian Thenzawl leh Chhiahtlang-a SCC te chu an lo tlawh tawh bawk a ni.
    DAMC hnuaia Auction Team ADAO V Lalhriatpuii, SDC Dr. .C Vanlalchhanhimi leh DIPRO Lalnunmawii te hian Chhingchhip-a SCC hruaitute kawmin Sawh-thing lakkhawm leh hralh kawngah te, auction chhuah dan chungchang te, document mumal taka vawn dan te, portal-a upload chungchang te, receipt leh register vawn dan te an hrilh a. SCC hruaitute hian Sawhthing lei chhawngtu (buyer) te nena an indawr dan te sawiin harsatna an neih te sawiho a ni a. Sawhthing lei leh hralh kawnga hma an sawn zel theih dan tur te leh hlawk zawka Sawhthing hralh theih dan turte pawh an sawiho nghal bawk a ni.