Buichali leh Sairang inkara kawng enfiah a ni

Buichali leh Sairang inkara kawng chhe zual lai te chu nimin khan PWD Minister Vanlalhlana hovin enfiah a ni.

Buichali leh Sairang inkara kawng chhia avanga Truck lian ten tlan loh an tintuah mek laiin nimin khan PWD Minister Vanlalhlana hovin Public Works Department (PWD) a thawktute, National Highways and Infrastructure Development Corporation (NHIDCL) a thawktute, Mizoram Truck Owners Association (MTOA) leh MTDA aiawhte chuan helai kawng hi a hmunah kalin an enfiah a, hmun sawmhnih dawn laiah Truck lian tana zawh harsa khawpa chhia a awm tih hmuh a ni a. NHIDCL, MTOA leh MTDA te chuan May ni 23, 2025 atanga sawt lehzuala kawng siam hna kalpui a nih theih nan inrawnkhawmna an neih tur thu tarlangin, Lirthei neitu aiawhte hian chak zawka kawngpui siam a nih theih nan kawng siam chhung, zing dar 9:00 atanga tlai dar 5:00 thleng lirthei din tir an inhuam thu an sawi a ni.

He hunah hian PWD Minister chuan NH-06 chu Mizoram chak lakna kawngpui pawimawh ber te zing ami a nih angin, engtik lai pawha lirthei zawh tlaka siam a tul thu a sawi a. NHIDCL hotute chu mipui, a bikin lirthei hmanga eizawng ten harsatna an tawh dante hrilhfiahin, tun aia chak lehzuala kawng siam hna kalpui turin a chah a ni.