Agriculture Minister in tlawh

Zonuna Kawlni (LENKAWL) • May 16, 2025 • Comments • Mizoram

Agriculture Minister PC. Vanlalruata chuan nimin khan Saitual District Agriculture Officer (DAO) Office leh Ginger Processing Unit sakna hmun tur a tlawh a, District Bawrhsap Dr. Lalngura Tlau leh DAO Hmangaihthangi Renthlei ten an lo dawngsawng a ni. He hunah hian Minister chuan Ginger Processing Unit chu Sawhthing chingtute tan hmasawnna rahbi pawimawh tak a nih a beisei thu sawiin, kut hnathawktute an dinchhuah theih nan theihtawp a chhuah zel tur thu a sawi bawk. Agriculture Minister hian Saitual-a DAO Office bakah FOCUS Office te, Ginger Processing Unit sakna hmun tur te, Tung Grower’s Association tana Processing Unit sakna hmun tur te leh Saitual Secondary Collection Centre (SCC) te a tlawh bawk a ni.