Sports Minister in lawmpui

Zonuna Kawlni (LENKAWL) • May 16, 2025 • Comments • Mizoram

Aizawl West-II Bialtu MLA leh Sports Minister Lalnghinglova Hmar chuan a Bial chhung atanga Indian Super League (ISL) 2024-25 Champion Lalengmawia Ralte, Vaivakawn (Mohun Bagan SG) leh Super Cup 2025 Champion Ayush Dev Chhetri, Dinthar (Goa FC) te chu nimin khan a Pisa-ah lawmpuina a hlan a. Minister hian heng Footballer pahnih te hi lawmpuina thuziak leh pawisafai Rs. 10,000/- ve ve a hlan a. An Vengchhungah anmahni kaltlangin Grassroots Football in hma sawn se an duh thu sawiin, Dinthar leh Vaivakawn mai bakah hmundanga thalaite tan entawn tur leh a kawng hawngtu nise an duh tih a sawi bawk. He hunah hian heng Footballer-te leh an chhungte bakah Mizoram Football Association hruaitute, sawm bikte leh chanchinbu mite an tel a ni.