Tuichangral Championship, 2025 zawhfel a ni

March 30, 2025 atang East Lungdar-a neih ‘Tuichangral Championship, 2025’ chu nimin khan zawhfel a ni ta.
Tuichangral-a khaw hrang hrang te infiamna chi hrang hrang inelna kharna hun East Lungdar Mini Sport Complex-a neih hi EF&CC Department changtu Minister Lalthansanga chuan khuallian nia hmanpuiin ruihhlo laka kan fihlim theih nan infiamna kan uar deuh deuh a pawimawh thu leh ruihlo laka kan thalaite an fihlim theihna tura hmanraw pawimawh tak a nih bawk thu a sawi a, tunlai thangthar zawkten infiamna a hlutna leh pawimawhna hriaa an uar chho zel chu lawmawm a tih thu sawiin, “Kum upa lam te pawhin kan theih ang angin kan taksa kan sawizawi a pawimawh a, ei leh in thleng in kan uluk a ngai a ni,” a ti bawk.

Tuichangral Championship, 2025 hi March 30 khan tan niin khaw 33 huamin infiamna discipline chi hrang hrang- Football, Volleyball, Badminton leh Table Tennis hmangte a in elna neih a ni a, kum 16 hnuailam tan Wrestling, Boxing leh Weighlifting-ah te inelna neih a ni a. Nimin-a a kharna hun hi Hrangturzo Bialtu MLA Lalmuanpuia Punte leh South Tuipui Bialtu MLA Jeje Lalpekhlua te pawhin an telpui a ni.