Player of the Season-ah Rempuii thlang

Mizoram Badminton Association (MBA)  chuan 2024-25 Player of the Season atan Lalrempuii, d/o Albert Lalrosanga (L) (Serchhip) an thlang.

Season hman zawh taka Mizoram badminton player che thate chawimawina hi Inrinni khan Mizoram Badminton Centre, Zuangtui, Aizawl-ah neih a ni a, Serchhip tleirawl Lalrempuii hi Hmeichhia ah ‘2024-25 Player of the Season’ atan thlan a ni a, Junior National Championship-ah a Champion bakah India ram pum huap inelnaah Bronze Medal a la bawk. Hei bakah hian NE Zone Inter-State Championship-ah Mizoram Junior Girl’s Team chu Final a thlenpui bawk a ni.

Mipa lamah Player of the Season atan C. Lalramsanga (Durtlang) thlan niin Most Promising Player (Mipa)-ah Malsawmhlua (Serchhip) leh (Hmeichhia)-ah H. Lalrinhlui (Chanmari West) te thlan an ni bawk.